Lucas 22

O plano para matar Jesus

Alò, fèt Pen San Ledven an ki rele Pak Jwif la, t ap pwoche. ²Konsa, Chèf prèt avèk skrib yo t ap chache kijan yo ta kapab mete L a lanmò; paske yo te pè pèp la.

Judas negocia a traição

³Konsa, Satan te antre nan Judas ki te rele Iscariot, ki te konte pami douz yo. ⁴Li te sòti, e te diskite avèk chèf prèt avèk ofisye yo sou jan li ta kapab trayi Li a yo menm. ⁵Yo te kontan, e te vin dakò pou bay li lajan.

⁶Donk, li te antann li avèk yo, e te kòmanse chache yon bon okazyon pou livre Li bay yo kote pa t gen foul moun.

Os preparativos da Páscoa

⁷Alò, te rive premye jou Pen San Ledven an pandan lè yo te oblije fè sakrifis jenn mouton an. ⁸Li te voye Pierre avèk Jean e te di: “Ale prepare Pak la pou nou pou nou kab manje li.” ⁹Yo te mande li: “Ki kote Ou vle nou prepare l?” ¹⁰Li te di yo: “Gade, lè nou antre nan vil la, yon mesye k ap pote yon vaz dlo va vin rankontre nou. Swiv li pou antre nan kay kote li antre a.” ¹¹Nou va di a mèt kay la: “Mèt la di nou, ‘Kote chanm vizitè a kote Mwen kapab manje Pak la avèk disip Mwen yo?’ ¹²Epi li va montre nou yon gwo chanm anlè, byen founi. Prepare li la.” ¹³Yo te pati e te twouve tout bagay jan li te di yo a. Yo te prepare Pak la.

A última ceia

¹⁴Lè lè a te rive, Li te repoze a tab, e apòt yo te avè L. ¹⁵Li te di yo: “Mwen te seryezman anvi manje Pak sa a avèk nou avan Mwen soufri; ¹⁶paske Mwen di nou, Mwen p ap janm manje li ankò, jiskaske li vin akonpli nan wayòm Bondye a.” ¹⁷Lè l te fin pran yon tas, e te beni li, Li te di: “Pran sa a, e pataje li pami nou menm.

¹⁸Paske Mwen di nou, Mwen p ap bwè fwi rezen an depi kounye a jiskaske wayòm Bondye a vini.” ¹⁹Lè L te fin pran yon pen e te beni li, Li te kase l. Li te bay yo e te di: “Sa se kò M ki bay pou nou menm. Fè sa nan memwa a Mwen menm.” ²⁰Menm jan an, Li te pran tas la lè yo te fin manje e te di: “Tas sa se akò nèf de san Mwen an ki vide nèt pou nou.

²¹Men gade, men a sila ki trayi Mwen an; li la avè M sou tab la. ²²Paske anverite, Fis a Lòm nan va ale jan sa te deja detèmine a. Men malè a moun ki trayi Li a!” ²³Konsa, yo te kòmanse diskite pami yo kilès nan yo ke li ta kapab ye pou ta fè bagay sa a.

Quem é o maior

²⁴Te leve osi yon diskisyon pami yo sou kilès nan yo ki te konsidere kòm pi gran. ²⁵Men Li te di yo: “Wa a payen yo domine yo, e sila ki gen otorite sou yo, yo rele ‘byenfetè’. ²⁶Men se pa konsa pou nou menm, men fòk sila a ki pi gran pami nou an vin tankou pi piti a, e direktè a tankou sèvitè a.

²⁷Paske, kilès ki pi gran an, sila a ki repoze a tab la, oubyen sila k ap sèvi a? Se pa sila ki repoze a tab la? Men Mwen menm, mwen pami nou kòm sila k ap sèvi a. ²⁸Nou menm se sila yo ki te kanpe avè M nan touteprèv Mwen yo. ²⁹Epi menm jan an ke Papa M ban Mwen yon wayòm, Mwen bannou li, ³⁰pou nou kapab manje e bwè sou tab Mwen nan wayòm Mwen an. Konsa, nou va chita sou douz twòn yo pou jije douz tribi Israël yo.

Satanás pediu para vos peneirar

³¹Simon, Simon, veye byen. Satan mande pèmisyon pouvannen ou tankou ble. ³²Men Mwen tepriye pou ou, pou lafwa ou pa pèdi; e pou ou, nan lè ke ou retounen ankò, kab bay frè ou yo fòs.” ³³Men li te di Li: “Senyè, avèk Ou, mwen prepare pou m ale ni nan prizon, ni a lanmò!” ³⁴Li te reponn: “Mwen di ou, Pierre, ke kòk la p ap gen tan chante jodi a avan ou di twa fwa ke ou pa rekonèt Mwen.” ³⁵Li te di yo: “Lè Mwen te voye nou deyò san bous, ni sak, ni sapat la, nou pa t manke anyen; se pa sa?” E yo te di: “Non, anyen”.

³⁶Li te di yo ankò: “Men koulye a, nenpòt moun ki gen yon bous, fòk li pran l avè l; menm jan an tou, yon sak. E nenpòt moun ki pa gen, fòk li vann manto li, pou achte yon nepe. ³⁷Paske Mwen di nou ke sa ki ekri a oblije akonpli nan Mwen. ‘E Li te konte pami malfektè yo.’ Paskesa ki gen referans a Mwen menm nan gen pou akonpli.” ³⁸Yo te di: “Senyè, gade, men de nepe.” E Li te di yo: “Sa sifi.”

A oração no monte das Oliveiras

³⁹Li te sòti, e te kontinye kòm abitid Li, vè Mòn Olivye a. Disip Li yo osi te swiv Li. ⁴⁰Lè L te rive la, Li te di yo: “Priye pou nou pa antre nan tantasyon.” ⁴¹Konsa, Li te kite yo pou rive vè distans ke yon moun kab voye yon wòch, e Li te mete L sou jenou pou priye.

⁴²Li t ap di: “Papa, si se volonte Ou, retire tas sa a sou Mwen; malgre pa selon volonte M, men ke pa W la kapab fèt.” ⁴³Alò, yon zanj syèl la te parèt a Li menm pou bay Li fòs. ⁴⁴Ak gwo toumant, Li t ap priye avèk entansite. Swè Li te vin tankou gwo gout san ki t ap tonbe atè.

⁴⁵Lè L te leve soti nan lapriyè, Li te vin kote disip yo e te twouve yo nan dòmi akoz tristès yo. ⁴⁶Li te di yo: “Poukisa nou ap dòmi? Leve e priye pou nou pa antre nan tantasyon.”

A prisão de Jesus

⁴⁷Pandan Li te toujou ap pale, men yon foul te parèt avèk sila ki te rele Judas a, youn nan douz yo, ki t ap mennen yo. Li te pwoche Jésus pou bo L. ⁴⁸Men Jésus te di li: “Judas, èske w ap trayi Fis a Lòm nan avèk yon bo?” ⁴⁹Lè sila ki te antoure Li yo te wè sa ki t ap fèt la, yo te di: “Senyè, èske n ap frape avèk nepe a”?

⁵⁰Konsa, youn nan yo te frape esklav a wo prèt la, e te koupe zòrèy dwat li. ⁵¹Men Jésus te reponn e te di: “Anmwens, kite m fè sa a” epi Li te touche zòrèy la, e te geri li. ⁵²Jésus te di a chèf prèt avèk ofisye a tanp ki te vini kont Li yo: “Nou vini avèk nepe ak baton tankou nou t ap vini kont yon vòlè?

⁵³Pandan ke Mwen te avèk nou chak jou nan tanp lan, nou pa t mete men sou Mwen; men lè sa a avèk pouvwa tenèb la se lè pa nou an.”

Pedro nega Jesus

⁵⁴Lè yo te fin arete Li, yo te mennen L ale, e te fè L rive lakay wo prèt la. Men Pierre t ap swiv a yon distans. ⁵⁵Apre yo te fin sanble dife nan mitan lakou tribinal la, e te chita ansanm, Pierre te chita pami yo. ⁵⁶Alò, yon fi ki t ap sèvi, lè l te wè li nan limyè dife a, li te gade l toupre, e te di: “Mesye sa a te avè L tou, wi.” ⁵⁷Men Li te demanti sa, e te di: “Fanm, mwen pa konnen Li.” ⁵⁸Yon ti jan pita, yon lòt te wè l, e te di: “Ou menm se youn nan yo tou.” Men Pierre te di: “Mesye, se pa mwen!” ⁵⁹Apre anviwon yon èdtan te fin pase, yon lòt mesye te kòmanse ensiste, e te di: “Sètènman mesye sa a te avè l tou, paske li se yon Galileyen.” ⁶⁰Men Pierre te di: “Mesye, mwen pa konnen anyen de sa w ap pale a!” E lapoula, pandan li te toujou ap pale, yon kòk te chante.

⁶¹Senyè a te vire gade Pierre. E Pierre te sonje pawòl a Senyè a, jan li te di li a: “Avan kòk la chante jodi a, ou va renye M twa fwa.” ⁶²Li te sòti deyò, e te kriye byen amè.

Os guardas zombam de Jesus

⁶³Alò mesye ki te kenbe Jésus yo t ap moke Li, e bat Li, ⁶⁴Konsa, yo te mare kouvri zye Li avèk yon twal, e te di L: “Pwofetize non; se kilès ki frape Ou a?” ⁶⁵Yo t ap di anpil lòt bagay kont Li, avèkblasfèm.

Jesus diante do Sinédrio

⁶⁶Lè li te fè jou, Konsèy Ansyen a pèp la te reyini, ni chèf prèt avèk skrib yo. Yo te mennen Li nan chanm konsèy la, e t ap di: ⁶⁷“Si Ou menm se Kris la, di nou sa a.” Men Li te di yo: “Si Mwen di nou, nou p ap kwè; ⁶⁸epi si Mwen poze nou yon kesyon, nou p ap reponn, ni lage M ale.

⁶⁹Men depi koulye a, Fis a Lòm nan va chita sou men dwat a pwisans Bondye a.” ⁷⁰Konsa, yo tout te di: “Alò, Ou menm se Fis Bondye a?” Li te reponn yo: “Ou pale sa, paske, Mwen Se.” ⁷¹Answit yo te di: “Kisa nou bezwen anplis kòm temwayaj? Paske nou tande sa nou menm nan pwòp bouch Li!”