Salmos 97

O Senhor reina, exulte a terra

ГОСПАД валадарыць! Няхай радуецца зямля, няхай весяліцца мноства астравоў! ²Хмары і імгла навакол Яго; праведнасьць і суд — падставы пасаду Ягонага. ³Агонь ідзе перад абліччам Ягоным і паліць наўкола супраціўнікаў Ягоных.

⁴Маланкі Ягоныя сусьвет асьвятляюць; бачыць гэта зямля і дрыжыць. ⁵Горы топяцца, быццам воск, ад аблічча ГОСПАДА, ад аблічча Госпада ўсёй зямлі. ⁶Апавядаюць нябёсы праведнасьць Ягоную, і ўсе народы бачаць славу Ягоную.

⁷Асаромяцца ўсе, што балванам служаць, што ідаламі сваімі хваляцца. Пакланіцеся Яму, усе богі! ⁸Чуе гэта Сыён і весяліцца, і радуюцца дочкі Юды дзеля судоў Тваіх, ГОСПАДЗЕ! ⁹Бо Ты, ГОСПАДЗЕ, над усёй зямлёй Найвышэйшы, Ты ўзьнёсься па-над усімі багамі.

¹⁰Вы, што любіце ГОСПАДА, ненавідзьце зло! Ён захоўвае душы багабойных Сваіх, з рукі бязбожных выратоўвае іх. ¹¹Сьвятло ўзыходзіць для праведніка, і радасьць — для шчырых сэрцам. ¹²Весяліцеся ў ГОСПАДЗЕ, праведнікі, і слаўце на ўспамін сьвятасьці Ягонай!