Salmos 108

Louvar-te-ei entre os povos

Сьпеў. Псальм Давіда. ²Умацаванае сэрца маё, Божа! Буду сьпяваць і выслаўляць [Цябе] ў славе маёй! ³Збудзіцеся, псалтыр і гусьлі! Я пабуджу сьвітаньне!

⁴Буду славіць Цябе сярод людзей, ГОСПАДЗЕ, і буду выслаўляць Цябе сярод народаў, ⁵бо па-над неба вялікая міласэрнасьць Твая, і праўда Твая — да аблокаў. ⁶Узьвялічся па-над неба, Божа, і па-над усёй зямлёй [няхай будзе] слава Твая!

⁷Каб былі ўратаваныя ўмілаваныя Твае, збаў правіцай Тваёй і адкажы мне! ⁸Бог сказаў у сьвятасьці Сваёй: «Я ўзрадуюся! Я падзялю Сыхем і даліну Сукот разьмераю. ⁹Мой Гілеад, Мой Манаса, і Эфраім — моц галавы Маёй! Юда — заканадаўца Мой!

¹⁰Мааў — міса для мыцьця Майго; на Эдом кіну сандалы Мае; над [зямлёй] Філістынскай радасна гукаць буду!» ¹¹Хто ўвядзе мяне ў горад умацаваны? Хто завядзе мяне ў Эдом? ¹²Ці ж ня Ты, Божа, нас пакінуў і не выходзіш, Божа, з войскамі нашымі?

¹³Дай нам успамогу ў прыгнечаньні [нашым], бо марны ратунак чалавечы. ¹⁴З Богам мы зьявім сілу, і Ён растопча прыгнятальнікаў нашых.