Números 7

As ofertas dos líderes

І сталася ў дзень, калі Майсей скончыў буда­ваць Сялібу і памазаў яе, і пасьвяціў яе і ўсе прыналежнасьці ейныя, і ахвярнік, і ўсе прылады ягоныя, і памазаў іх, і пасьвяціў іх, ²прыйшлі князі Ізраіля, галовы дамоў бацькоў сваіх, князі пакаленьняў, якія стаялі на чале перапісаных, ³і прынесьлі дары свае перад аблічча ГОСПАДА: шэсьць крытых вазоў і дванаццаць валоў, па адным возе ад двух князёў і па аднаму валу ад кожнага, і паставілі гэта перад Сялібай.

⁴І сказаў ГОСПАД Майсею: ⁵«Вазьмі [гэта] ад іх; і няхай будзе на службу пры Намёце Спатканьня. І дасі гэта лявітам адпаведна да іх паслугі». ⁶І ўзяў Майсей вазы і валоў, і аддаў іх лявітам.

⁷Адпаведна да іх паслугі сынам Гершона даў два вазы і чатыры валы. ⁸Восем валоў і чатыры вазы даў сынам Мэрары, адпаведна да іхняй паслугі пад наглядам Ітамара, сына Аарона сьвятара. ⁹А сынам Кегата ня даў нічога, бо іх паслуга пры [рэчах] сьвятых, каб насіць іх на рамёнах сваіх.

¹⁰І прынесьлі князі дары свае на пасьвячэньне ахвярніка перад ахвярніка ў дзень пасьвячэньня ягонага. ¹¹І сказаў ГОСПАД Майсею: «Няхай кожны з князёў што­дзень прыносіць дар свой на пасьвячэньне ахвярніка». ¹²У першы дзень прынёс дар свой Нахшон, сын Амінадава, з пакаленьня Юды.

¹³Ягоным дарам ахвярным былі міса срэбная ў сто трыццаць [сыкляў] вагі, чаша срэбная ў семдзясят сыкляў, паводле сыклю сьвятыні, абедзьве напоўненыя пшанічнаю мукой, запраўленай алеем, у ахвяру хлебную, ¹⁴залатая чаша ў дзе­сяць [сыкляў], напоўненая кадзілам, ¹⁵адзін бычок, адзін баран і аднагадовае ягня ў ахвяру цэласпаленьня, ¹⁶казёл у ахвяру за грэх, ¹⁷і ў ахвяру мірную два валы, пяць бараноў, пяць казлоў і пяць аднагадовых ягнят. Гэта дар ахвярны Нахшона, сына Амінадава.

¹⁸У другі дзень прынёс [дар]Натанаэль, сын Цуара, князь Ісахара. ¹⁹Ён прынёс свой дар ахвярны: місу срэбную ў сто трыц­цаць [сыкляў] вагі, чашу срэбную ў семдзясят сыкляў, паводле сыклю сьвятыні, абе­дзьве напоўненыя пшанічнай мукой, запраўленай алеем, у ахвяру хлебную, ²⁰залатую чашу ў дзе­сяць [сыкляў], напоўненую кадзілам; ²¹аднаго бычка, аднаго барана і аднагадовае ягня ў ахвяру цэласпаленьня, ²²казла ў ахвяру за грэх, ²³і ў ахвяру мірную два валы, пяць бараноў, пяць казлоў і пяць аднагадовых ягнят. Гэта дар ахвярны Натанаэля, сына Цуара.

²⁴У трэці дзень [прынёс дар ахвярны] князь сыноў Завулёна Эліяў, сын Хэлёна. ²⁵Ягоным дарам [былі]: міса срэбная ў сто трыццаць [сыкляў] вагі, чаша срэбная ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ²⁶залатая чаша ў дзе­сяць [сыкляў], напоўненая кадзілам, ²⁷адзін бычок, адзін баран і аднагадовае ягня ў ахвяру цэласпаленьня, ²⁸казёл у ахвяру за грэх, ²⁹і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Эліява, сына Хэлёна.

³⁰У чацьвёрты дзень [прынёс дар ахвярны] князь сыноў Рубэна Эліцур, сын Шэдэура. ³¹Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ³²залатую чашу ў дзесяць [сыкляў], напоўненую кадзілам, ³³аднаго бычка, аднаго барана і аднагадовае ягня ў ахвяру цэласпаленьня, ³⁴казла ў ахвяру за грэх, ³⁵і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Эліцура, сына Шэдэура.

³⁶У пяты дзень [прынёс дар ахвярны] князь сыноў Сымона Шэлюміэль, сын Цурышадая. ³⁷Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ³⁸залатую чашу ў дзесяць [сыкляў], напоўненую кадзілам, ³⁹аднаго бычка, аднаго барана і аднагадовае ягня ў ахвяру цэласпаленьня, ⁴⁰казла ў ахвяру за грэх, ⁴¹і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Шэлюміэля, сына Цурышадая.

⁴²У шосты дзень [прынёс дар ахвярны] князь сыноў Гада Эліясаф, сын Дэўэля. ⁴³Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁴⁴залатую чашу ў дзесяць [сыкляў], напоўненую кадзілам, ⁴⁵аднаго бычка, аднаго барана і аднагадовае ягня ў ахвяру цэласпаленьня, ⁴⁶казла ў ахвяру за грэх, ⁴⁷і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Эліясафа, сына Дэўэля.

⁴⁸У сёмы дзень [прынёс дар ахвярны] князь сыноў Эфраіма Элішама, сын Амігуда. ⁴⁹Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁵⁰залатую чашу ў дзесяць [сыкляў], напоўненую кадзілам, ⁵¹аднаго бычка, аднаго барана і аднагадовае ягня ў ахвяру цэласпаленьня, ⁵²казла ў ахвяру за грэх, ⁵³і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Элішамы, сына Амігуда.

⁵⁴У восьмы дзень [прынёс дар ахвярны] князь сыноў Манасы Гамаліэль, сын Пэдагсура. ⁵⁵Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁵⁶залатую чашу ў дзесяць [сыкляў], напоўненую кадзілам, ⁵⁷аднаго бычка, аднаго барана і аднагадовае ягня ў ахвяру цэласпаленьня, ⁵⁸казла ў ахвяру за грэх, ⁵⁹і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Гамаліэля, сына Пэдагсура.

⁶⁰У дзявяты дзень [прынёс дар ахвярны] князь сыноў Бэн’яміна Абідан, сын Гідэоні. ⁶¹Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁶²залатую чашу ў дзесяць [сыкляў], напоўненую кадзілам, ⁶³аднаго бычка, аднаго барана і аднагадовае ягня ў ахвяру цэласпаленьня, ⁶⁴казла ў ахвяру за грэх, ⁶⁵і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Абідана, сына Гідэоні.

⁶⁶У дзясяты дзень [прынёс дар ахвярны] князь сыноў Дана Ахіезэр, сын Амішадая. ⁶⁷Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁶⁸залатую чашу ў дзесяць [сыкляў], напоўненую кадзілам, ⁶⁹аднаго бычка, аднаго барана і аднагадовае ягня ў ахвяру цэласпаленьня, ⁷⁰казла ў ахвяру за грэх, ⁷¹і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Ахіезэра, сына Амішадая.

⁷²У адзінаццаты дзень [прынёс дар ахвярны] князь сыноў Асэра Пагіэль, сын Акрана. ⁷³Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁷⁴залатую чашу ў дзесяць [сыкляў], напоўненую кадзілам, ⁷⁵аднаго бычка, аднаго барана і аднагадовае ягня ў ахвяру цэласпаленьня, ⁷⁶казла ў ахвяру за грэх, ⁷⁷і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Пагіэля, сына Акрана.

⁷⁸У дванаццаты дзень [прынёс дар ахвярны] князь сыноў Нэфталі Ахіра, сын Энана. ⁷⁹Ён ахвяраваў місу срэбную ў сто трыццаць [сыкляў] вагі, чашу срэбную ў семдзясят сыкляў, паводле сыклю сьвятыні, абедзьве напоўненыя пшанічнай мукой, запраўленай алеем, у ахвяру хлебную, ⁸⁰залатую чашу ў дзесяць [сыкляў], напоўненую кадзілам, ⁸¹аднаго бычка, аднаго барана і аднагадовае ягня ў ахвяру цэласпаленьня, ⁸²казла ў ахвяру за грэх, ⁸³і два валы, пяць бараноў, пяць казлоў, пяць аднагадовых ягнят у ахвяру мірную. Гэта дар ахвярны Ахіры, сына Энана.

⁸⁴Вось [дары] ад князёў Ізраіля пры пасьвячэньні ахвярніка, у дзень яго памазаньня: дванаццаць срэбных місаў, дванаццаць срэбных чашаў, дванаццаць залатых чашаў. ⁸⁵Кожная міса важыла сто трыццаць [сыкляў] срэбра, а кожная чаша — семдзясят [сыкляў]. Усяго срэбра начыньняў — дзьве тысячы чатырыста [сыкляў], паводле сыклю сьвятыні. ⁸⁶Чашаў залатых, напоўненых кадзілам, [было] дванаццаць; кожная чаша важыла дзесяць [сыкляў], паводле сыклю сьвятыні. Усяго золата чашаў [было] сто дваццаць [сыкляў].

⁸⁷Усяго быдла для цэласпаленьня, [было]: дванаццаць бычкоў, дванаццаць бараноў, дванаццаць аднагадовых ягнят, і [належныя] ахвяры хлебныя, і дванаццаць казлоў у ахвяру за грэх. ⁸⁸Усяго быдла, прызначанага ў ахвяру мірную, [было]: дваццаць чатыры валы, шэсьцьдзясят бараноў, шэсьцьдзясят казлоў і шэсьцьдзясят аднагадовых ягнят. Гэта [дары] на пасьвячэньне ахвярніка, калі ён быў памазаны. ⁸⁹І калі Майсей уваходзіў у Намёт Спатканьня, каб гаварыць з [Богам], ён чуў голас, які прамаўляў да яго з-над накрыўкі, якая была над Каўчэгам Сьведчаньня паміж двума херувімамі, і [Бог] прамаўляў да яго.