Jó 23

Ah, se eu soubesse onde encontrá-lo

א                  ויען איוב ויאמר ²ב  גם-היום מרי שחי    ידי כבדה על-אנחתי ³ג  מי-יתן ידעתי ואמצאהו    אבוא עד-תכונתו ⁴ד  אערכה לפניו משפט    ופי אמלא תוכחות ⁵ה  אדעה מלים יענני    ואבינה מה-יאמר לי ⁶ו  הברב-כח יריב עמדי    לא אך-הוא ישם בי ⁷ז  שם--ישר נוכח עמו    ואפלטה לנצח משפטי ⁸ח  הן קדם אהלך ואיננו    ואחור ולא-אבין לו

⁹ט  שמאול בעשתו ולא-אחז    יעטף ימין ולא אראה ¹⁰י  כי-ידע דרך עמדי    בחנני כזהב אצא ¹¹יא  באשרו אחזה רגלי    דרכו שמרתי ולא-אט ¹²יב  מצות שפתיו ולא אמיש    מחקי צפנתי אמרי-פיו ¹³יג  והוא באחד ומי ישיבנו    ונפשו אותה ויעש ¹⁴יד  כי ישלים חקי    וכהנה רבות עמו ¹⁵טו  על-כן מפניו אבהל    אתבונן ואפחד ממנו ¹⁶טז  ואל הרך לבי    ושדי הבהילני

¹⁷יז  כי-לא נצמתי מפני-חשך    ומפני כסה-אפל