Marco 1:32-39

³²Kaj vespere, kiam la suno subiris, oni venigis al li ĉiujn, kiuj estis malsanaj kaj demonhavantaj.l

³³Kaj la tuta urbo kolektiĝis ĉe la pordo.

³⁴Kaj li sanigis multajn, kiuj malsanis de diversaj malsanoj, kaj elpelis multajn demonojn; kaj li ne permesis al la demonoj paroli, ĉar ili konis lin.m

³⁵Kaj matene, antaŭ ol la nokto pasis, li leviĝis, kaj foriris en dezertan lokon, kaj tie preĝadis.n

³⁶Kaj Simon kaj liaj kunuloj elserĉis lin;

³⁷kaj ili trovis lin, kaj diris al li: Ĉiuj vin serĉas.

³⁸Kaj li diris al ili: Ni iru aliloken en la proksimajn urbetojn, por ke mi tie ankaŭ prediku; ĉar por tio mi venis.o

³⁹Kaj li iris, predikante en iliaj sinagogoj tra la tuta Galileo, kaj elpelante la demonojn.