Marco 9:2-13

²Et vestimenta ejus facta sunt splendentia, et candida nimis velut nix, qualia fullo non potest super terram candida facere.b

³Et apparuit illis Elias cum Moyse: et erant loquentes cum Jesu.c

⁴Et respondens Petrus, ait Jesu: Rabbi, bonum est nos hic esse: et faciamus tria tabernacula, tibi unum, et Moysi unum, et Eli unum.

⁵Non enim sciebat quid diceret: erant enim timore exterriti.

⁶Et facta est nubes obumbrans eos: et venit vox de nube, dicens: Hic est Filius meus carissimus: audite illum.

⁷Et statim circumspicientes, neminem amplius viderunt, nisi Jesum tantum secum.d

⁸Et descendentibus illis de monte, prcepit illis ne cuiquam qu vidissent, narrarent: nisi cum Filius hominis a mortuis resurrexerit.

⁹Et verbum continuerunt apud se: conquirentes quid esset, cum a mortuis resurrexerit.

¹⁰Et interrogabant eum, dicentes: Quid ergo dicunt pharisi et scrib, quia Eliam oportet venire primum?

¹¹Qui respondens, ait illis: Elias cum venerit primo, restituet omnia: et quomodo scriptum est in Filium hominis, ut multa patiatur et contemnatur.e

¹²Sed dico vobis quia et Elias venit (et fecerunt illi qucumque voluerunt) sicut scriptum est de eo.f

¹³Et veniens ad discipulos suos, vidit turbam magnam circa eos, et scribas conquirentes cum illis.