Mark 1:32-39

³²Vespere autem facto, cum occidisset sol, afferebant ad eum omnes male habentes et daemonia habentes;l

³³et erat omnis civitas congregata ad ianuam.

³⁴Et curavit multos, qui vexabantur variis languoribus, et daemonia multa eiecit et non sinebat loqui daemonia, quoniam sciebant eum.m

³⁵Et diluculo valde mane surgens egressus est et abiit in desertum locum ibique orabat.n

³⁶Et persecutus est eum Simon et qui cum illo erant;

³⁷et cum invenissent eum, dixerunt ei: " Omnes quaerunt te! ".

³⁸Et ait illis: " Eamus alibi in proximos vicos, ut et ibi praedicem: ad hoc enim veni ".o

³⁹Et venit praedicans in synagogis eorum per omnem Galilaeam et daemonia eiciens.