John 3:26-36

²⁶et venerunt ad Iohannem et dixerunt ei rabbi qui erat tecum trans Iordanen cui tu testimonium perhibuisti ecce hic baptizat et omnes veniunt ad eum

²⁷respondit Iohannes et dixit non potest homo accipere quicquam nisi fuerit ei datum de caelot

²⁸ipsi vos mihi testimonium perhibetis quod dixerim ego non sum Christus sed quia missus sum ante illumu

²⁹qui habet sponsam sponsus est amicus autem sponsi qui stat et audit eum gaudio gaudet propter vocem sponsi hoc ergo gaudium meum impletum estv

³⁰illum oportet crescere me autem minuiw

³¹qui desursum venit supra omnes est qui est de terra de terra est et de terra loquitur qui de caelo venit supra omnes estx

³²et quod vidit et audivit hoc testatur et testimonium eius nemo accipit

³³qui accipit eius testimonium signavit quia Deus verax est

³⁴quem enim misit Deus verba Dei loquitur non enim ad mensuram dat Deus Spiritumy

³⁵Pater diligit Filium et omnia dedit in manu eiusz

³⁶qui credit in Filium habet vitam aeternam qui autem incredulus est Filio non videbit vitam sed ira Dei manet super eumaa