Acts 8:18-23

¹⁸Cum vidisset autem Simon quia per impositionem manuum apostolorum daretur Spiritus, obtulit eis pecuniam

¹⁹dicens: " Date et mihi hanc potestatem, ut cuicumque imposuero manus, accipiat Spiritum Sanctum ".

²⁰Petrus autem dixit ad eum: " Argentum tuum tecum sit in perditionem, quoniam donum Dei existimasti pecunia possideri!

²¹Non est tibi pars neque sors in verbo isto; cor enim tuum non est rectum coram Deo.

²²Paenitentiam itaque age ab hac nequitia tua et roga Dominum, si forte remittatur tibi haec cogitatio cordis tui;

²³in felle enim amaritudinis et obligatione iniquitatis video te esse ".