Proverbs 4:1-13

¹Aŭskultu, infanoj, la instruon de la patro, Kaj atentu, por lerni prudenton;a

²Ĉar bonan instruon mi donis al vi; Mian leĝon ne forlasu.b

³Ĉar mi estis filo de mia patro, Dorlotata kaj sola de mia patrino.

⁴Kaj li instruis min, kaj diris al mi: Via koro akceptu miajn vortojn; Observu miajn ordonojn, kaj vi vivos.c

⁵Akiru saĝon, akiru prudenton; Ne forgesu, kaj ne deflankiĝu de la paroloj de mia buŝo.d

⁶Ne forlasu ĝin, kaj ĝi vin gardos; Amu ĝin, kaj ĝi zorgos pri vi.e

⁷La komenco de saĝo estas: akiru saĝon; Kaj por via tuta havo akiru prudenton.f

⁸Ŝatu ĝin alte, kaj ĝi vin altigos; Kaj ĝi donos al vi honoron, se vi ĝin enbrakigos.

⁹Ĝi donos ĉarman ornamon al via kapo; Belan kronon ĝi donacos al vi.

¹⁰Aŭskultu, mia filo, kaj akceptu miajn vortojn; Kaj multiĝos la jaroj de via vivo.

¹¹Mi kondukos vin laŭ la vojo de saĝo; Mi irigos vin sur rekta vojstreko.g

¹²Kiam vi iros, via irado ne estos malfaciligata; Kaj kiam vi kuros, vi ne falpuŝiĝos.h

¹³Tenu forte la instruon, ne forlasu ĝin; Konservu ĝin, ĉar ĝi estas via vivo.i