Salmi 22:22-31
22Mi predikos Vian nomon al miaj fratoj; En la mezo de popola kunveno mi Vin gloros.q
23Respektantoj de la Eternulo, gloru Lin; Tuta semo de Jakob, honoru Lin; Tuta semo de Izrael, estimegu Lin.
24Ĉar Li ne malŝatis kaj ne malestimis la suferojn de premato, Kaj ne kaŝis antaŭ li Sian vizaĝon; Sed aŭskultis lin, kiam tiu kriis al Li.r
25Vin mi gloros en granda komunumo; Mi plenumos miajn promesojn antaŭ Liaj respektantoj.
26La humiluloj manĝu kaj satiĝu, Gloru la Eternulon Liaj serĉantoj; Via koro vivu eterne.s
27Rememoros kaj revenos al la Eternulo ĉiuj finoj de la mondo; Kaj kliniĝos antaŭ Vi ĉiuj popolaj familioj.t
28Ĉar al la Eternulo apartenas la reĝado; Li reĝas super la popoloj.
29Manĝos kaj kliniĝos ĉiuj grasuloj de la tero; Antaŭ Li genufleksos ĉiuj forirantaj al la tombo Kaj nepovantaj konservi sian animon viva.
30Naskotaro Lin servos; Oni predikos pri mia Sinjoro al la estonta generacio.
31Al naskota popolo oni venos kaj predikos Pri Lia justeco kaj pri Liaj faroj.u