Matteo 15:11-20

¹¹Ne tio, kio eniras en la buŝon, profanas la homon; sed kio eliras el la buŝo, tio profanas la homon.d

¹²Tiam veninte, la disĉiploj diris al li: Ĉu vi scias, ke la Fariseoj ofendiĝis, kiam ili aŭdis tiun diron?

¹³Sed li responde diris: Ĉiu kreskaĵo, kiun mia ĉiela Patro ne plantis, estos elradikigita.e

¹⁴Lasu ilin; ili estas blindaj kondukantoj de blinduloj. Kaj se blindulo kondukos blindulon, ambaŭ falos en fosaĵon.f

¹⁵Kaj Petro responde diris al li: Klarigu al ni tiun parabolon.

¹⁶Kaj li diris: Ĉu vi ankaŭ estas eĉ ankoraŭ sen kompreno?

¹⁷Ĉu vi ne konscias, ke ĉio, eniranta en la buŝon, pasas en la ventron kaj estas elĵetata en apartan lokon?

¹⁸Sed tio, kio eliras el la buŝo, elvenas el la koro, kaj profanas la homon.g

¹⁹Ĉar el la koro eliras malvirtaj pensoj, mortigoj, adultoj, malĉastaĵoj, ŝteloj, falsatestoj, blasfemoj:h

²⁰jen tio, kio profanas la homon, sed manĝi kun manoj nelavitaj ne profanas la homon.