Giovanni 1:26-36

²⁶Johano respondis al ili, dirante: Mi baptas per akvo; meze de vi staras tiu, kiun vi ne konas,

²⁷kiu venas post mi; la rimenon de lia ŝuo mi ne estas inda malligi.

²⁸Tio okazis en Betania transe de Jordan, kie Johano baptadis.

²⁹La sekvantan tagon li vidis Jesuon venanta al li, kaj diris: Jen la Ŝafido de Dio, kiu forportas la pekon de la mondo!u

³⁰Li estas tiu, pri kiu mi diris: Post mi venas viro, kiu estas metita super mi, ĉar li ekzistis pli frue ol mi.

³¹Kaj mi lin ne konis; sed por ke li estu montrita al Izrael, tial mi venis, baptante per akvo.

³²Kaj Johano atestis, dirante: Mi vidis la Spiriton malsupreniranta de la ĉielo kiel kolombo, kaj ĝi restis sur li.v

³³Kaj mi lin ne konis; sed kiu sendis min por bapti per akvo, Tiu diris al mi: Sur kiun vi vidos la Spiriton malsupreniranta kaj restanta sur li, tiu estas la baptanto per la Sankta Spirito.w

³⁴Kaj mi vidis, kaj atestis, ke ĉi tiu estas la Filo de Dio.x

³⁵Denove la sekvantan tagon staris Johano, kaj du el liaj disĉiploj;

³⁶kaj rigardante Jesuon promenantan, li diris: Jen la Ŝafido de Dio!y