Giobbe 38:4-11

⁴Kie vi estis, kiam Mi fondis la teron? Diru, se vi havas scion.a

⁵Kiu starigis ĝiajn mezurojn, se vi tion scias? Aŭ kiu etendis super ĝi rektoŝnuron?b

⁶Sur kio estas enfortikigitaj ĝiaj bazoj, Aŭ kiu kuŝigis ĝian angulŝtonon,c

⁷Dum komuna glorkantado de la matenaj steloj Kaj ĝojkriado de ĉiuj filoj de Dio?d

⁸Kiu fermis la maron per pordoj, Kiam ĝi elpuŝiĝis kvazaŭ el la ventro de patrino;

⁹Kiam Mi faris la nubon ĝia vesto Kaj mallumon ĝiaj vindaĵoj,

¹⁰Kaj starigis al ĝi limon Kaj faris riglilojn kaj pordojn,

¹¹Kaj diris: Ĝis ĉi tie aliru, sed ne plu, Kaj ĉi tie rompiĝados viaj majestaj ondoj?