Giobbe 33:16-30

¹⁶Tiam Li malfermas la orelon de la homoj, Kaj, doninte instruon, sigelas ĝin,d

¹⁷Por deturni homon de ia faro Kaj gardi viron kontraŭ fiereco,

¹⁸Por ŝirmi lian animon kontraŭ pereo Kaj lian vivon kontraŭ falo sub glavon.

¹⁹Ankaŭ per malsano sur lia lito Li avertas lin, Kiam ĉiuj liaj ostoj estas ankoraŭ fortaj.

²⁰Kaj abomenata fariĝas por li en lia vivo la manĝaĵo, Kaj por lia animo la frandaĵo.

²¹Lia karno konsumiĝas tiel, ke oni ĝin jam ne vidas; Kaj elstaras liaj ostoj, kiuj antaŭe estis nevideblaj.

²²Kaj lia animo alproksimiĝas al la pereo, Kaj lia vivo al la mortigo.

²³Sed se li havas por si anĝelon proparolanton, Kvankam unu el mil, Kiu elmontrus pri la homo lian pravecon,

²⁴Tiam Li indulgas lin, kaj diras: Liberigu lin, ke li ne malsupreniru en la tombon, Ĉar Mi trovis pardonigon.

²⁵Tiam lia korpo fariĝas denove freŝa, kiel en la juneco; Li revenas al la tagoj de sia knabeco.e

²⁶Li preĝas al Dio, Kaj ĉi Tiu korfavoras lin, Kaj montras al li Sian vizaĝon kun ĝojo, Kaj rekompencas la homon laŭ lia virteco.f

²⁷Li rigardas la homojn, kaj diras: Mi pekis, la veron mi kripligis, Kaj Li ne repagis al mi;

²⁸Li liberigis mian animon, ke ĝi ne iru en pereon, Kaj mia vivo vidas la lumon.

²⁹Ĉion ĉi tion Dio faras Du aŭ tri fojojn kun homo,

³⁰Por deturni lian animon de pereo Kaj prilumi lin per la lumo de vivo.