Salmi 142:1-7

¹Psalmus David, quando persequebatur eum Absalom filius ejus. [Domine, exaudi orationem meam; auribus percipe obsecrationem meam in veritate tua; exaudi me in tua justitia.

²Et non intres in judicium cum servo tuo, quia non justificabitur in conspectu tuo omnis vivens.a

³Quia persecutus est inimicus animam meam; humiliavit in terra vitam meam; collocavit me in obscuris, sicut mortuos sculi.

⁴Et anxiatus est super me spiritus meus; in me turbatum est cor meum.

⁵Memor fui dierum antiquorum; meditatus sum in omnibus operibus tuis: in factis manuum tuarum meditabar.

⁶Expandi manus meas ad te; anima mea sicut terra sine aqua tibi.

⁷Velociter exaudi me, Domine; defecit spiritus meus. Non avertas faciem tuam a me, et similis ero descendentibus in lacum.b