Salmi 141:9

¹Intellectus David, cum esset in spelunca, oratio.a

²[Voce mea ad Dominum clamavi, voce mea ad Dominum deprecatus sum.b

³Effundo in conspectu ejus orationem meam, et tribulationem meam ante ipsum pronuntio:c

⁴in deficiendo ex me spiritum meum, et tu cognovisti semitas meas. In via hac qua ambulabam absconderunt laqueum mihi.d

⁵Considerabam ad dexteram, et videbam, et non erat qui cognosceret me: periit fuga a me, et non est qui requirat animam meam.e

⁶Clamavi ad te, Domine; dixi: Tu es spes mea, portio mea in terra viventium.

⁷Intende ad deprecationem meam, quia humiliatus sum nimis. Libera me a persequentibus me, quia confortati sunt super me.

⁸Educ de custodia animam meam ad confitendum nomini tuo; me exspectant justi donec retribuas mihi.]f