Salmi 14:7

¹Psalmus David. [Domine, quis habitabit in tabernaculo tuo? aut quis requiescet in monte sancto tuo?a

²Qui ingreditur sine macula, et operatur justitiam;b

³qui loquitur veritatem in corde suo: qui non egit dolum in lingua sua, nec fecit proximo suo malum, et opprobrium non accepit adversus proximos suos.c

⁴Ad nihilum deductus est in conspectu ejus malignus; timentes autem Dominum glorificat. Qui jurat proximo suo, et non decipit;

⁵qui pecuniam suam non dedit ad usuram, et munera super innocentem non accepit: qui facit hc non movebitur in ternum.]