Romani 6:3-11
3an ignoratis quia quicumque baptizati sumus in Christo Jesu, in morte ipsius baptizati sumus?c
4Consepulti enim sumus cum illo per baptismum in mortem: ut quomodo Christus surrexit a mortuis per gloriam Patris, ita et nos in novitate vitæ ambulemus.d
5Si enim complantati facti sumus similitudini mortis ejus: simul et resurrectionis erimus.e
6Hoc scientes, quia vetus homo noster simul crucifixus est, ut destruatur corpus peccati, et ultra non serviamus peccato.f
7Qui enim mortuus est, justificatus est a peccato.g
8Si autem mortui sumus cum Christo, credimus quia simul etiam vivemus cum Christo,h
9scientes quod Christus resurgens ex mortuis jam non moritur: mors illi ultra non dominabitur.i
10Quod enim mortuus est peccato, mortuus est semel: quod autem vivit, vivit Deo.j
11Ita et vos existimate vos mortuos quidem esse peccato, viventes autem Deo, in Christo Jesu Domino nostro.k