Matteo 15:2-9

²Quare discipuli tui transgrediuntur traditionem seniorum? non enim lavant manus suas cum panem manducant.

³Ipse autem respondens ait illis: Quare et vos transgredimini mandatum Dei propter traditionem vestram? Nam Deus dixit:

⁴Honora patrem, et matrem: et, Qui maledixerit patri, vel matri, morte moriatur.a

⁵Vos autem dicitis: Quicumque dixerit patri, vel matri: Munus, quodcumque est ex me, tibi proderit:

⁶et non honorificavit patrem suum, aut matrem suam: et irritum fecistis mandatum Dei propter traditionem vestram.

⁷Hypocrit, bene prophetavit de vobis Isaias, dicens:

⁸[Populus hic labiis me honorat: cor autem eorum longe est a me.b

⁹Sine causa autem colunt me, docentes doctrinas et mandata hominum.]c