Marco 2:5-11

⁵Cum autem vidisset Jesus fidem illorum, ait paralytico: Fili, dimittuntur tibi peccata tua.a

⁶Erant autem illic quidam de scribis sedentes, et cogitantes in cordibus suis:

⁷Quid hic sic loquitur? blasphemat. Quis potest dimittere peccata, nisi solus Deus?b

⁸Quo statim cognito Jesus spiritu suo, quia sic cogitarent intra se, dicit illis: Quid ista cogitatis in cordibus vestris?

⁹Quid est facilius dicere paralytico: Dimittuntur tibi peccata tua: an dicere: Surge, tolle grabatum tuum, et ambula?

¹⁰Ut autem sciatis quia Filius hominis habet potestatem in terra dimittendi peccata (ait paralytico),c

¹¹tibi dico: Surge, tolle grabatum tuum, et vade in domum tuam.