Luca 13:23-30

²³Ait autem illi quidam: Domine, si pauci sunt, qui salvantur? Ipse autem dixit ad illos:g

²⁴Contendite intrare per angustam portam: quia multi, dico vobis, qurent intrare, et non poterunt.h

²⁵Cum autem intraverit paterfamilias, et clauserit ostium, incipietis foris stare, et pulsare ostium, dicentes: Domine, aperi nobis: et respondens dicet vobis: Nescio vos unde sitis:

²⁶tunc incipietis dicere: Manducavimus coram te, et bibimus, et in plateis nostris docuisti.

²⁷Et dicet vobis: Nescio vos unde sitis: discedite a me omnes operarii iniquitatis.i

²⁸Ibi erit fletus et stridor dentium: cum videritis Abraham, et Isaac, et Jacob, et omnes prophetas in regno Dei, vos autem expelli foras.

²⁹Et venient ab oriente, et occidente, et aquilone, et austro, et accumbent in regno Dei.

³⁰Et ecce sunt novissimi qui erunt primi, et sunt primi qui erunt novissimi.j