Isaia 28:14-22

¹⁴Propter hoc audite verbum Domini, viri illusores, qui dominamini super populum meum, qui est in Jerusalem.

¹⁵Dixistis enim: Percussimus fdus cum morte, et cum inferno fecimus pactum: flagellum inundans cum transierit, non veniet super nos quia posuimus mendacium spem nostram, et mendacio protecti sumus.

¹⁶Idcirco hc dicit Dominus Deus: Ecce ego mittam in fundamentis Sion lapidem, lapidem probatum, angularem, pretiosum, in fundamento fundatum; qui crediderit, non festinet.e

¹⁷Et ponam in pondere judicium, et justitiam in mensura; et subvertet grando spem mendacii, et protectionem aqu inundabunt.

¹⁸Et delebitur fdus vestrum cum morte, et pactum vestrum cum inferno non stabit: flagellum inundans cum transierit, eritis ei in conculcationem.f

¹⁹Quandocumque pertransierit, tollet vos, quoniam in mane diluculo pertransibit in die et in nocte; et tantummodo sola vexatio intellectum dabit auditui.

²⁰Coangustatum est enim stratum, ita ut alter decidat; et pallium breve utrumque operire non potest.

²¹Sicut enim in monte divisionum stabit Dominus; sicut in valle qu est in Gabaon irascetur, ut faciat opus suum, alienum opus ejus: ut operetur opus suum, peregrinum est opus ejus ab eo.g

²²Et nunc nolite illudere, ne forte constringantur vincula vestra; consummationem enim et abbreviationem audivi a Domino Deo exercituum, super universam terram.]