Ezechiele 22:2-12

²Et tu, fili hominis, nonne judicas, nonne judicas civitatem sanguinum?

³Et ostendes ei omnes abominationes suas, et dices: Hc dicit Dominus Deus: Civitas effundens sanguinem in medio sui, ut veniat tempus ejus: et qu fecit idola contra semetipsam, ut pollueretur.

⁴In sanguine tuo, qui a te effusus est, deliquisti, et in idolis tuis, qu fecisti, polluta es: et appropinquare fecisti dies tuos, et adduxisti tempus annorum tuorum: propterea dedi te opprobrium gentibus, et irrisionem universis terris.

⁵Qu juxta sunt, et qu procul a te, triumphabunt de te, sordida, nobilis, grandis interitu.

⁶Ecce principes Isral singuli in brachio suo fuerunt in te, ad effundendum sanguinem.

⁷Patrem et matrem contumeliis affecerunt: in te advenam calumniati sunt in medio tui: pupillum et viduam contristaverunt apud te.

⁸Sanctuaria mea sprevisti, et sabbata mea polluisti.

⁹Viri detractores fuerunt in te ad effundendum sanguinem, et super montes comederunt in te: scelus operati sunt in medio tui.

¹⁰Verecundiora patris discooperuerunt in te; immunditiam menstruat humiliaverunt in te:

¹¹et unusquisque in uxorem proximi sui operatus est abominationem, et socer nurum suam polluit nefarie: frater sororem suam, filiam patris sui, oppressit in te.

¹²Munera acceperunt apud te ad effundendum sanguinem: usuram et superabundantiam accepisti, et avare proximos tuos calumniabaris: meique oblita es, ait Dominus Deus.