Numeri 23:5-12
5וישם יהוה דבר בפי בלעם ויאמר שוב אל בלק וכה תדבר:
6וישב אליו והנה נצב על עלתו הוא וכל שרי מואב:
7וישא משלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישראל:
8מה אקב לא קבה אל ומה אזעם לא זעם יהוה:a
9כי מראש צרים אראנו ומגבעות אשורנו הן עם לבדד ישכן ובגוים לא יתחשב:
10מי מנה עפר יעקב ומספר את רבע ישראל תמת נפשי מות ישרים ותהי אחריתי כמהו:b
11ויאמר בלק אל בלעם מה עשית לי לקב איבי לקחתיך והנה ברכת ברך:
12ויען ויאמר הלא את אשר ישים יהוה בפי אתו אשמר לדבר:
Copiado para área de transferência
Dimensione testo
Aa