Numeri 16:28-35
28ויאמר משה בזאת תדעון כי יהוה שלחני לעשות את כל המעשים האלה כי לא מלבי:
29אם כמות כל האדם ימתון אלה ופקדת כל האדם יפקד עליהם לא יהוה שלחני:
30ואם בריאה יברא יהוה ופצתה האדמה את פיה ובלעה אתם ואת כל אשר להם וירדו חיים שאלה וידעתם כי נאצו האנשים האלה את יהוה:
31ויהי ככלתו לדבר את כל הדברים האלה ותבקע האדמה אשר תחתיהם:
32ותפתח הארץ את פיה ותבלע אתם ואת בתיהם ואת כל האדם אשר לקרח ואת כל הרכוש:
33וירדו הם וכל אשר להם חיים שאלה ותכס עליהם הארץ ויאבדו מתוך הקהל:
34וכל ישראל אשר סביבתיהם נסו לקלם כי אמרו פן תבלענו הארץ:
35ואש יצאה מאת יהוה ותאכל את החמשים ומאתים איש מקריבי הקטרת:
Copiado para área de transferência
Dimensione testo
Aa