Matteo 22:23-32

²³ביום ההוא נגשו אליו צדוקים האמרים כי אין תחית המתים וישאלו אתו לאמר:

²⁴רבי הן משה אמר איש כי ימות ובנים אין לו אחיו ייבם את אשתו והקים זרע לאחיו:d

²⁵ואתנו היו שבעה אחים והראשון נשא אשה וימת וזרע אין לו ויעזב את אשתו לאחיו:

²⁶וכמו כן גם השני וכן גם השלישי עד השבעה:

²⁷ואחרי כלם מתה גם האשה:

²⁸ועתה בתחית המתים למי מן השבעה תהיה לאשה כי לכלם היתה:

²⁹ויען ישוע ויאמר להם טעים אתם באשר אינכם יודעים את הכתובים וגם את גבורת האלהים:e

³⁰כי בתחית המתים לא ישאו נשים ולא תנשאנה כי אם כמלאכי אלהים בשמים יהיו:f

³¹ועל דבר תחית המתים הלא קראתם את הנאמר לכם מפי האלהים לאמר:

³²אנכי אלהי אברהם ואלהי יצחק ואלהי יעקב והוא איננו אלהי המתים כי אם אלהי החיים:g