Abacuc 3:1-13
1תפלה לחבקוק הנביא על שגינות:
2יהוה שמעתי שמעך יראתי יהוה פעלך בקרב שנים חייהו בקרב שנים תודיע ברגז רחם תזכור:a
3אלוה מתימן יבוא וקדוש מהר פארן סלה כסה שמים הודו ותהלתו מלאה הארץ:b
4ונגה כאור תהיה קרנים מידו לו ושם חביון עזה:
5לפניו ילך דבר ויצא רשף לרגליו:c
6עמד וימדד ארץ ראה ויתר גוים ויתפצצו הררי עד שחו גבעות עולם הליכות עולם לו:
7תחת און ראיתי אהלי כושן ירגזון יריעות ארץ מדין:
8הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישועה:
9עריה תעור קשתך שבעות מטות אמר סלה נהרות תבקע ארץ:
10ראוך יחילו הרים זרם מים עבר נתן תהום קולו רום ידיהו נשא:
11שמש ירח עמד זבלה לאור חציך יהלכו לנגה ברק חניתך:
12בזעם תצעד ארץ באף תדוש גוים:
13יצאת לישע עמך לישע את משיחך מחצת ראש מבית רשע ערות יסוד עד צואר סלה:
Copiado para área de transferência
Dimensione testo
Aa