Salmos 67

Que los pueblos te alaben

Ki te tino kaiwhakatangi: Nekinoto. He hīmene, he waiata. Mā te Atua tātou e atawhai, māna tātou e manaaki; māna e mea kia tīaho tōna mata ki a tātou; Hera ²kia mātauria ai tāu ara ki runga ki te whenua, tāu whakaoranga i roto i ngā tauiwi katoa. ³Kia whakamoemiti ngā iwi ki a koe, e te Atua, kia whakamoemiti ngā iwi katoa ki a koe.

⁴Kia koa ngā tauiwi, kia waiata i te hari; nō te mea ka tika tāu whakawā mō ngā iwi, ā, ka kāwana koe i ngā tauiwi o te whenua. Hera ⁵Kia whakamoemiti ngā iwi ki a koe, e te Atua, kia whakamoemiti ngā iwi katoa ki a koe. ⁶Kua tuku mai nei te whenua i ōna hua; ā, ka manaaki te Atua, tō tātou Atua, i a tātou.

⁷Ka manaaki te Atua i a tātou; ā, ka wehi ngā pito katoa o te whenua i a ia.