Salmos 49

Ninguno puede redimir a su hermano

Ki te tino kaiwhakatangi. He hīmene mā ngā tama a Koraha. Whakarongo ki tēnei, e ngā iwi katoa; tahuri mai ō koutou taringa, e ngā tāngata katoa o te ao. ²E ngā tāngata iti, koutou ko ngā tāngata rahi, e te tangata taonga kōrua ko te rawakore. ³Ka whakapuakina he mātauranga e tōku māngai; ā, he āta ngārahu te whakaaro o tōku ngākau.

⁴Ka tītaha tōku taringa ki te kupu whakarite; ka puaki tāku pepeha i runga i te hāpa. ⁵Kia wehi ahau ki te aha i ngā rā o te kino, ina karapotia ahau e te kino kei ōku rekereke? ⁶Ko te hunga e whakawhirinaki ana ki ō rātou taonga, e whakamanamana ana ki te nui o ō rātou rawa.

⁷E kore tētahi o rātou e āhei te hoko i tōna teina, te hoatu rānei i tētahi utu mōna ki te Atua. ⁸He nui hoki te utu mō tō rātou wairua, ā, me whakarere atu ake ake; ⁹kia ora tonu ai ia ake ake, kia kaua e kite i te pirau.

¹⁰E kite ana hoki ia e matemate ana ngā tāngata whakaaro nui, e ngaro ngātahi ana te pōauau me te whakaarokore, ā, mahue iho ō rātou taonga ki ētahi atu. ¹¹Ki tō rātou whakaaro puku, tērā e pūmau tonu ō rātou whare me ō rātou nohoanga, ki ngā whakatupuranga katoa; huaina iho ō rātou whenua ki ō rātou ingoa. ¹²Heoi, kāhore te tangata e noho tonu i roto i te hōnore; ko tōna rite kei ngā kararehe ka mōtī nei.

¹³Ko tō rātou ara tēnei, arā ko tō rātou pōauau; heoi e whakapai ana tō rātou uri ki ā rātou kōrero. Hera ¹⁴Kei te hipi te rite; ko te wāhi mō rātou ko te rēinga; ko te mate hei hēpara mō rātou, hei rangatira anō te hunga tika mō rātou i te ata; ko tō rātou ātaahua mā te rēinga e whakamōtī, kia kore ai he whare mōna. ¹⁵Mā te Atua ia tōku wairua e hoko mai i te rēinga; ko ia hoki hei tukunga atu mōku. Hera ¹⁶Kaua e wehi ua whai taonga te tangata, ina nui haere te korōria o tōna whare.

¹⁷Kāhore hoki āna mea e mau atu ai ia ina mate; e kore tōna korōria e tuku iho i muri i a ia. ¹⁸Whakapai noa ia i tōna wairua i a ia e ora ana; ā, ka whakamoemititia koe ua pai āu mahi ki a koe anō. ¹⁹Ka haere ia ki te whakatupuranga o ōna tūpuna; e kore rawa rātou e kite i te mārama.

²⁰Ko te tangata e whakahōnoretia ana, ā, kāhore e whai whakaaro, kei ngā kararehe ka mōtī nei tōna rite.