Salmos 46

Dios es nuestro amparo y fortaleza

Ki te tino kaiwhakatangi, mā ngā tama a Koraha. He waiata Arāmoto. Ko te Atua tō tātou piringa, tō tātou kaha; he kaiāwhina e tino tata ana i ngā wā o te hē. ²Nā reira kore ake tō tātou wehi, ahakoa nekehia te whenua, ahakoa kāhakina ngā maunga ki waenga moana; ³ahakoa rarā, taupatupatu noa ōna wai, ahakoa wiri ngā maunga i tōna huamo. Hera ⁴He awa tēnā ko ōna manga hei whakahari i te pā o te Atua, i te wāhi tapu o ngā tapenākara o te Runga Rawa.

⁵Kei waenganui ōna te Atua, e kore ia e whakakorikoria; mā te Atua ia e āwhina i te putanga anō o te ata. ⁶I nanā ngā tauiwi, i whakakorikoria ngā rangatiratanga; puaki ana tōna reo, rewa ana te whenua. ⁷Kei a tātou a Ihowā o ngā mano, ko te Atua o Hākopa tō tātou piringa. Hera ⁸Haere mai, tirohia ngā mahi a Ihowā, ngā whakangaromanga i whakaputaina e ia ki te whenua.

⁹E whakamutua ana e ia ngā whāinga ā te pito rā anō o te whenua; whati ana i a ia te kōpere, poro pū te tao, tahuna ake e ia te hāriata ki te kāpura. ¹⁰“Kia āta noho, ā, kia mātau ko ahau te Atua; e whakanuia ahau i waenganui i ngā tauiwi, e whakanuia ahau i te whenua.” ¹¹Kei a tātou a Ihowā o ngā mano; ko te Atua o Hākopa tō tātou piringa. Hera