Salmos 130

Desde lo profundo clamo a ti

He waiata; he pikitanga. I karanga ahau ki a koe, e Ihowā, i roto i ngā hōhonu. ²E te Ariki, whakarongo mai ki tōku reo! Kia anga mai ōu taringa ki tōku reo īnoi! ³Me i maharatia e koe ngā kino, e Ihowā, ko wai, e te Ariki, e tū?

⁴Otirā, he muru hara tāu, e wehingia ai koe. ⁵E tatari ana ahau ki a Ihowā, e tatari ana tōku wairua; e tūmanako ana hoki ahau ki tāna kupu. ⁶Ko te tāringa o tōku wairua i te Ariki nui atu i tō te hunga e whanga ana ki te ata, āe, i tō te hunga e whanga ana ki te ata.

⁷E Īharaira, kia tūmanako ki a Ihowā! Kei a Ihowā hoki te mahi tohu, ā, kei a ia te hokonga nui. ⁸Ā, māna a Īharaira e hoko i roto i ōna hē katoa.