Salmos 54

Dios es mi ayudador

Kumutungamiri wokuimba nemitengeranwa ine hungiso. Rwiyo rweMasikiri rwaDhavhidhi. VaZefati pavakaenda kuna Sauro kundoti, “Ko, Dhavhidhi haana kuvanda pakati pedu here?” Ndiponesei, imi Mwari, nezita renyu; ndiruramisirei nesimba renyu. ²Inzwai munyengetero wangu, imi Mwari; teererai kumashoko omuromo wangu. ³Vatorwa vanondirwisa; vanhu vane utsinye vanotsvaka upenyu hwangu, vanhu vasingazivi Mwari. Sera ⁴Zvirokwazvo Mwari ndiye mubatsiri wangu; ishe ndiye anonditsigira.

⁵Zvakaipa ngazvimonere pane avo vanondireva; muvaparadze pakutendeka kwenyu. ⁶Ndichakubayirai chipiriso chokungopa; ndicharumbidza zita renyu, imi Jehovha, nokuti rakanaka. ⁷Nokuti akandirwira pamatambudziko angu ose, uye mukukunda, meso angu akatarisa vavengi vangu.