Salmos 67

Que los pueblos te alaben

Dura Buʼaa Faarfattootaatiif. Miʼa ribuutiin. Faarfannaa. Waaqni garaa nuuf laafu; nu haa eebbisus; fuula isaas nurratti haa ibsu; ²kunis akka karaan kee lafa irratti, fayyisuun kee immoo saboota hundumaa biratti beekamuuf. ³Yaa Waaqayyo, saboonni si haa jajatan; saboonni hundii si haa jajatan.

⁴Ati waan qajeelummaadhaan namoota bulchituuf, saboota lafa irraas waan geggeessituuf, saboonni haa gammadanis; ililchaniis haa faarfatan. ⁵Yaa Waaqayyo, saboonni si haa jajatan; saboonni hundii si haa jajatan. ⁶Lafti midhaan kenniteerti; Waaqayyo Waaqni keenyas nu eebbiseera.

⁷Waaqni nu eebbiseera; handaarri lafaa hundi isa haa sodaatu.