Salmos 124

Si el Señor no hubiera estado por nosotros

Faarfannaa ol baʼuu. Faarfannaa Daawit. Israaʼel akkana haa jedhu: Utuu Waaqayyo garee keenya taʼuu baatee, ²utuu Waaqayyo garee keenya taʼuu baatee, yommuu namoonni nutti kaʼanitti, ³yommuu aariin isaanii nutti bobaʼetti, silaa isaan utuu nu lubbuun jirruu nu liqimsu turan; ⁴lolaan nu liqimsee dhaʼaan bishaanii nurra yaaʼa ture; ⁵bishaan hamaan nu fudhatee bada ture.

⁶Waaqayyo akka nu ilkaan isaaniitiin cicciramnuuf dabarsee itti nu hin kennin sun haa eebbifamu. ⁷Akkuma simbirri kiyyoo adamsituu jalaa baatu, nu isaan jalaa baaneerra; kiyyoon ni ciccite; nus jalaa baane. ⁸Gargaarsi keenya maqaa Waaqayyoo, Uumaa samii fi lafa sanaa ti.