Salmos 54

Dios es mi ayudador

Kuom jatend wer. Wer miwero gi thumbe man-gi waya. Maskil mar Daudi. Kane jo-Zif osedhi ir Saulo kendo onyise niya, “Donge Daudi ma imanyo opondo e gwengʼwa?” Resa gi nyingi, yaye Nyasaye; ngʼadna bura kare gi tekoni. ²Winj lamona, yaye Nyasaye; chik iti ne weche mawuok e dhoga. ³Jopinje moko monja; acheje kawo ngimana, gin joma ok dew Nyasaye. Sela ⁴Adier, Nyasaye e jakonyna; Ruoth owuon ema rita.

⁵Mad chandruok lwor joma ketho nyinga mi ketgi diere; tiekgi, nikech in ja-adiera. ⁶Abiro timoni misango gi chiwo mar hera; abiro pako nyingi, yaye Jehova Nyasaye, nikech nyingi ber. ⁷Nikech oseresa kuom gik mathaga duto, mi omiyo wengena ongʼiyo wasika tir bangʼ loyogi.