Salmos 48

Grande es el Señor en la ciudad de nuestro Dios

Wer. Zaburi mar yawuot Kora. Jehova Nyasaye duongʼ adier, kendo owinjore chuth gi pak, e dala maduongʼ mar Nyasachwa, ma en gode maler. ²E dala motingʼore malo kendo ober neno omiyo piny duto bedo mamor. Got Sayun chalo gi kama otingʼore malo mar Zafon, ma en dala maduongʼ mar Ruoth Maduongʼ. ³Nyasaye nitiere e dalane mochiel motegno kendo osenyisore ni en e ohingane.

⁴Ka ruodhi noriwo teko kanyakla, kane giwuokne oko kaachiel, ⁵negineno mi gibuok; kendo negiringo gia ka luoro omakogi. ⁶Dendgi nochako tetni kanyo kendo negibedo gi rem machalo gi muoch ma kayo dhako.

⁷Ne iturogi matindo tindo ka meli mag Tarshish ma yamb wuok chiengʼ ongʼinjo. ⁸Mana kaka wasewinjo e kaka waseneno gi wengewa, e dala maduongʼ mar Jehova Nyasaye Maratego, e dala mar Nyasachwa: Nyasaye oselose kama dak berie nyaka chiengʼ. Sela ⁹Ei hekalu mari, yaye Nyasaye, ema wabetie ka waparo kuom herani ma ok rem.

¹⁰Mana kaka nyingi, yaye Nyasaye, e kaka pakni bende chopo nyaka tungʼ piny; lweti ma korachwich opongʼ gi tim makare. ¹¹Got Sayun oil, kendo mier mag Juda nigi mor, nikech iyalo ji maber. ¹²Wuothi ei Sayun, luorri e iye koni gi koni, kwan osuche duto, ¹³par maber kuom ohinga mage, nee udi mag ruodhine, mondo ibi inyis tienge mabiro.

¹⁴Nikech Nyasaye en Nyasachwa manyaka chiengʼ obiro bedo jaritwa nyaka chop giko ndalowa e piny.