Salmos 82

Dios juzga en medio de los jueces

Nzembo ya Azafi. Nzambe atelemi kati na lisanga na Ye, azali kokata makambo kati na banzambe. ²Kino tango nini bokokata makambo na bosembo te mpe bokokotela bato mabe ? ³Bolongisa moto oyo azangi makasi mpe mwana etike, bokata likambo ya moto ya mawa mpe ya mobola ; ⁴bopesa bonsomi na moto oyo azangi makasi mpe na mobola, bokangola bango wuta na maboko ya bato mabe.

⁵Bazangi boyebi mpe bososoli, bazali koyengayenga kati na molili ; miboko nyonso ya mokili ezali koningana. ⁶Nalobaki : « Bozali banzambe, bozali bino nyonso bana ya Ye-Oyo-Aleki-Likolo ! » ⁷Nzokande, bokufaka lokola bato nyonso mpe bokweyaka lokola bakambi.

⁸Nzambe, telema, sambisa mokili ; pamba te bikolo nyonso ezali libula na Yo.