1 Crónicas 7
Los hijos de Isacar
1इस्साकार के बेटामन: तोला, पुआ, यासूब अऊ सिमरोन—जम्मो चार झन रिहिन। 2तोला के बेटामन: उज्जी, रपायाह, यरीएल, यहमै, यिबसाम अऊ समूएल—येमन अपन-अपन परिवार के मुखिया रिहिन। दाऊद के राज के समय, तोला के संतानमन के गनती ओमन के बंसावली म बीर योद्धा के रूप म करे गीस अऊ दाऊद के समय म ओमन के संखिया 22,600 रिहिस। 3उज्जी के बेटा: यिजराहियाह। यिजराहियाह के बेटामन: मिकाएल, ओबदयाह, योएल अऊ यिसियाह। ये जम्मो पांच झन मुखिया रिहिन। 4ओमन के परिवार के बंसावली के मुताबिक, ओमन 36,000 आदमी रिहिन, जेमन लड़ई बर तियार रिहिन, काबरकि ओमन के बहुंत घरवाली अऊ लइकामन रिहिन। 5इस्साकार के जम्मो कुलमन ले ओमन के रिस्तेदार, जेमन योद्धा रिहिन, ओमन के बंसावली म लिखे नांव के मुताबिक ओमन के कुल संखिया 87,000 रिहिस।
Los hijos de Benjamín
6बिनयामीन के तीन बेटामन: बेला, बेकेर अऊ यदीएल। 7बेला के बेटामन: एसबोन, उज्जी, उजीएल, यरीमोत अऊ ईरी; येमन कुल पांच झन रिहिन अऊ येमन अपन-अपन परिवार के मुखिया रिहिन। ओमन के बंसावली म 22,034 योद्धामन के नांव लिखे गे रिहिस। 8बेकेर के बेटामन: जमीरा, योआस, एलिएजेर, एलयोएनै, ओमरी, यरेमोत, अबियाह, अनातोत अऊ आलेमेत। ये जम्मो झन बेकेर के बेटा रिहिन। 9ओमन के बंसावली म ओमन के परिवारमन के मुखियामन के नांव अऊ 20,200 योद्धामन के नांव लिखे गे रिहिस। 10यदीएल के बेटा: बिलहान। बिलहान के बेटामन: यूस, बिनयामीन, एहूद, कनाना, जेतान, तरसीस अऊ अहीसहर। 11यदीएल के ये जम्मो बेटामन अपन-अपन परिवारमन के मुखिया रिहिन। 17,200 योद्धामन लड़ई म जाय बर तियार रिहिन। 12ईर के संतान सुप्पीम अऊ हुप्पीम अऊ अहेर के संतान हूसीमन रिहिन।
Los hijos de Neftalí
13नपताली के बेटामन: यहसीएल, गूनी, येसेर अऊ सल्लूम—येमन बिलहा के संतान रिहिन।
Los hijos de Manasés
14मनस्से के संतान: असरीएल ह ओकर अरामी रखैल कोति ले ओकर संतान रिहिस। ओ अरामी माईलोगन ह गिलाद के ददा माकीर ला घलो जनम दीस। 15माकीर ह हुप्पीमन अऊ सुप्पीममन के बीच ले अपन बर एक घरवाली बनाईस। माकीर के बहिनी के नांव माका रिहिस। ओकर आने संतान के नांव सलोफाद रिहिस, जेकर सिरिप बेटीमन रिहिन। 16माकीर के घरवाली माका ह एक बेटा ला जनम दीस, जेकर नांव पेरेस रखे गीस। ओकर भाई के नांव सेरेस रखे गीस, अऊ ऊलाम अऊ राकेम ओकर बेटामन रिहिन। 17ऊलाम के बेटा: बदान। येमन गिलाद के बेटामन रिहिन अऊ गिलाद ह माकीर के बेटा अऊ मनस्से के पोता रिहिस। 18ओकर बहिनी हम्मोलेकेत ह ईसहोद, अबिएजेर अऊ महला ला जनम दीस। 19समीदा के बेटा येमन रिहिन: अहियान, सकेम, लिखी, अऊ अनीआम।
Los hijos de Efraín
20एपरैम के संतानमन: सूतेलह, ओकर बेटा बेरेद, ओकर बेटा तहत, ओकर बेटा एलादा, ओकर बेटा तहत, 21ओकर बेटा जाबाद, अऊ ओकर बेटा सूतेलह। (एजेर अऊ एलाद ला देस म ही जनमे गत के आदमीमन मार डारिन, जब ओमन ये मनखेमन के पसुमन ला पकड़के ले जाय बर आय रिहिन। 22ओमन के ददा एपरैम ह बहुंत दिन तक ओमन बर सोक मनाईस, अऊ ओकर रिस्तेदारमन ओला सांति देय बर आईन। 23तब ओह अपन घरवाली संग फेर संबंध बनाईस, अऊ ओकर घरवाली ह गरभवती होके एक झन बेटा ला जनम दीस। एपरैम ह ओकर नांव एकर खातिर बरीया रखिस, काबरकि ओकर परिवार म बिपत्ति पड़े रिहिस। 24ओकर बेटी सेरा रिहिस, जऊन ह खाल्हे अऊ ऊपर कोति के बेत-होरोन के संग म उज्जेन-सेरा ला घलो बनवाईस।) 25ओकर बेटा रेपा रिहिस अऊ ओकर बेटा रेसेप, ओकर बेटा तेलह, ओकर बेटा तहान, 26ओकर बेटा लादान, ओकर बेटा अमीहूद, ओकर बेटा एलीसामा, 27ओकर बेटा नून, अऊ ओकर बेटा यहोसू रिहिस।
28ओमन के भुइयां अऊ बसे जगह म बेतेल अऊ ओकर आसपास के गांवमन, पूरब कोति नारान, गेजेर अऊ येकर गांवमन पछिम कोति, अऊ सकेम अऊ येकर गांवमन अय्या तक अऊ संग म अय्या के गांवमन घलो रिहिन। 29अऊ मनस्से के सीमना के तीरे-तीर बेत-सान, तानाक, मगिद्दो अऊ दोर सहरमन अऊ संग म ओमन के गांवमन घलो रिहिन। इसरायल के बेटा, यूसुफ के संतानमन ये नगरमन म रहत रिहिन।
Los hijos de Aser
30आसेर के बेटामन: यिमना, इसवा, इसवी अऊ बरीया। अऊ ओमन के बहिनी के नांव सेरह रिहिस। 31बरीया के बेटामन: हेबेर अऊ मलकीएल, जऊन ह बिरजोत के ददा होईस। 32हेबेर ह यपलेत, सोमेर, होताम, अऊ ओमन के बहिनी सूआ के ददा होईस। 33यपलेत के बेटामन: पासक, बिम्हाल अऊ अस्वात। 34सोमेर के बेटामन: अही, रोहगा, यहुब्बा अऊ अराम। 35ओकर भाई हेलेम के बेटामन: सोपह, यिमना, सेलेस अऊ आमाल। 36सोपह के बेटामन: सूह, हरनेपर, सूआल, बेरी, इमरा, 37बेसेर, होद, सम्मा, सिलसा, यितरान अऊ बेरा।
38येतेर के बेटामन: यपुन्ने, पिस्पा अऊ अरा। 39उल्ला के बेटामन: आरह, हन्नीएल अऊ रिस्या। 40ये जम्मो झन आसेर के संतान रिहिन अऊ येमन अपन-अपन परिवार के मुखिया, चुने आदमी, बीर योद्धा अऊ बहुंत बढ़िया अगुवा रिहिन। ओमन के बंसावली म लिखे गय, लड़ई बर तियार आदमीमन के संखिया 26,000 रिहिस।