Salmos 70

Apresúrate, oh Dios, a librarme

Ang awit alang sa maestro sa mga mag-aawit. Ang awit ni David nga giawit panahon sa paghalad sa halad sa paghinumdom sa Ginoo. Ginoong Dios, luwasa ako! Tabangi dayon ako. ²Hinaut unta nga ang mga nagtinguha sa pagpatay kanako maulawan ug mataranta. Hinaut unta nga ang mga gahandom sa akong kalaglagan mangikyas ug maulawan. ³Hinaut unta nga ang mga nagbiay-biay kanako matingala pag-ayo kay naulawan sila.

⁴Apan hinaut nga ang tanang nagdangop kanimo maglipay gayod tungod kanimo. Hinaut nga ang mga nangandoy sa kaluwasan nga gikan kanimo moingon kanunay, “Dalaygon ang Dios!” ⁵Apan ako kabos ug timawa. Duol dayon kanako, O Dios! Ikaw ang akong magtatabang ug manluluwas. Ginoo, tabangi dayon ako.