Salmos 58

Hay un Dios que juzga en la tierra

Ang awit alang sa maestro sa mga mag-aawit. Awita kini sa tono sa awit nga “Ayaw Laglaga.” Ang “Miktam” kini ni David. Kamong mga pangulo, matarong ba ug makiangayon ang inyong paghukom sa mga tawo? ²Dili! Kay ang inyong gihuna-huna mao lang ang paghimo ug daotan. Nanghasi kamo sa inyong mga dapit. ³Ang mga daotan daan nang daotan ug bakakon sukad pa sa ilang pagkatawo.

⁴Malala sila sama sa mga bitin. Sama sila sa kobra nga dili mamati sa honi sa hanas nga salamangkiro. ⁵O Ginoong Dios, ibtig mga ngipon ug bangkil ang akong mga kaaway nga daw mga liyon. ⁶Mawala unta sila nga daw tubig nga mihubas. Ug kon mamana sila, dili unta sila makaigo.

⁷Mahisama unta sila sa hilà-hilà nga natunaw samtang nagkamang, o sa bata nga gipanganak nga patay, nga wala gayod makakita ug kahayag. ⁸Dalia ang paglaglag kanila, bata man o tigulang, mas dali pa kaysa pag-init sa kolon nga gitak-ang sa kalayo. ⁹Malipay ang mga matarong kon makita nila nga gipanimaslan na sa Dios ang mga daotan, ug nagbanaw na ang ilang dugo.

¹⁰Unya moingon ang mga tawo, “Tinuod gayod nga adunay ganti alang sa mga matarong, ug adunay Dios nga mohukom sa kalibotan.”