Proverbios 3

Confía en el Señor de todo corazón

Anak, ayaw gayod kalimti ang gitudlo ko kanimo; tipigi sa imong kasing-kasing ang akong mga sugo, ²kay makapauswag ug makapataas kini sa imong kinabuhi. ³Pabiling maayo ug matinud-anon. Ayaw kini walaa, hinuon tipigi gayod kini sa imong kasing-kasing.

⁴Kon himuon mo kini, kahimut-an ka sa Dios ug sa mga tawo, ug maayo ilang pagtan-aw kanimo. ⁵Salig sa Ginoo sa tibuok mong kasing-kasing, ug ayaw pagsalig sa imong kaugalingong kaalam. ⁶Hinumdomi ang Ginoo sa tanan mong ginabuhat, ug tultolan ka niya sa hustong dalan.

⁷Ayaw paghuna-huna nga maalamon ka na gayod. Tahora hinuon ang Ginoo ug ayaw paghimog daotan. ⁸Kay makapabaskog kini sa imong lawas. ⁹Pasidunggi ang Ginoo pinaagi sa paghalad kaniya sa unang bahin sa tanan mong abot.

¹⁰Kon himuon mo kini, manghinobra ang mga abot diha sa imong mga bodega ug ang duga sa ubas sa imong mga pug-anan. ¹¹Anak, ayaw ipakadaotan ang pagdisiplina sa Ginoo kanimo. Ayaw ikasakit kon badlongon ka niya. ¹²Kay disiplinahon sa Ginoo ang iyang pinangga, sama sa ginahimo sa usa ka amahan ngadto sa anak nga iyang gikahimut-an.

La sabiduría es más preciosa que las joyas

¹³Bulahan ang tawo nga nakaangkon sa kaalam ug pagsabot. ¹⁴Kay mas mapuslanon pa kini kaysa pilak ug bulawan, ¹⁵ug mas bililhon pa sa mga alahas. Wala gayoy butang nga imong ginapangandoy nga makatupong niini.

¹⁶Magpauswag ug magpataas kini sa imong kinabuhi, ug maghatag kadungganan kanimo. ¹⁷Makatabang kini sa imong kinabuhi ug maghatag kanimog maayong kahimtang. ¹⁸Bulahan ang tawong padayong nagmaalamon; ang kaalam maghatag kaayohan ug magpataas sa iyang kinabuhi.

¹⁹Pinaagi sa kaalam ug kahibalo, gimugna sa Ginoo ang kalibotan ug ang kalangitan, ug mibugwak ang mga tuboran ug naghatag ang mga panganod ug ulan. ²⁰Anak, tipigi gayod ang kaalam ug kahibalo sa pagdesisyon kon unsay ensakto. Ayaw tugoti nga mawala kini kanimo, ²¹kay makahatag kini kanimog taas ug matahom nga kinabuhi.

²²Ug magkinabuhi ka nga luwas sa katalagman ug dili ka maunsa. ²³Makatulog ka ug mahinanok nga walay gikahadlokan. ²⁴Busa dili ka angayng mahadlok kon kalit nga moabot ang makalilisang nga panghitabo o laglagon ang mga daotan, ²⁵kay makasalig ka nga bantayan ka sa Ginoo; ilikay ka niya sa katalagman.

²⁶Tabangi ang angayng tabangan kutob sa imong mahimo. ²⁷Ayaw na paugmai ang pagtabang sa imong isigka-tawo, kon mahimo mo ang pagtabang kaniya karon. ²⁸Ayaw pagplano ug daotan sa imong isigka-tawo nga nagsalig kanimo nga iyang isigka-ingon.

²⁹Ayaw pakiglalis sa imong isigka-tawo sa walay hinungdan kon wala siyay nahimong daotan kanimo. ³⁰Ayaw kasina sa tawong bangis ni mosunod sa iyang mga binuhatan. ³¹Kay ngil-aran ang Ginoo sa mga walay puangod, apan saligan niya ang nagkinabuhing matarong.

³²Tinunglo sa Ginoo ang panimalay sa mga daotan, apan panalanginan niya ang panimalay sa mga matarong. ³³Ginatamay niya ang mga nangtamay, apan ginakaloy-an niya ang mga mapainubsanon. ³⁴Ang mga maalamon pasidunggan, apan ang mga buang-buang pakaulawan.