Salmos 67

Que los pueblos te alaben

Andriamanitra anie hamindra fo aminay sy hitahy anay; [Sela.] hampamirapiratra ny tavany aminay anie Izy; ²Mba ho fantatra etỳ ambonin’ ny tany ny lalanao sy ny famonjenao any amin’ ny jentilisa rehetra. ³Hidera Anao ny firenena, Andriamanitra ô; eny, hidera Anao ny firenena rehetra.

⁴Hifaly sy hihoby ny firenentsamy hafa, Satria mitsara marina ny firenena Hianao; ny firenen-tsamy hafa ambonin’ ny tany dia entinao. [Sela.] ⁵Hidera Anao ny firenena, Andriamanitra ô; eny, hidera Anao ny firenena rehetra. ⁶Ny tany efa nahavokatra; mitahy antsika Andriamanitra, dia Andriamanitsika.

⁷Mitahy antsika Andriamanitra; ary hatahotra Azy ny vazan-tany rehetra.