Salmos 121

Mi socorro viene del Señor

Yvyty katy ama'ẽ. Magui nda'u ou 'rã xerepyarã? ²Senhor yva ha'e yvy apoare va'e gui ae ou xerepyarã. ³Ha'e ma nandereity ukai 'rã. Nerarõa rupi ndoke oinyi 'rã.

⁴Israel kuery rarõa ma oke va'erã e'ỹ, ndojaparai 'rã guive. ⁵Senhor ae opena porã 'rã ndere. Nemo'ãarã Senhor oĩ reiporu kuaa regua re. ⁶Ha'e ramo ara py kuaray nandeapo vai 'rã, pyávy teĩ jaxy voi nandeapo vai 'rã.

⁷Senhor ndereraa jepe 'rã opa mba'e vai gui. Nderekovea re opena porã 'rã. ⁸Reẽ ha'e reike ju ramo Senhor onhangareko 'rã ndere aỹ guive raka'e rã peve. Oguataa rupi ikuai va'e oporaei aguã Davi ombopara va'ekue.