Salmos 114

Cuando salió Israel de Egipto

Lè Israël te sòti an Égypte, lakay Jacob soti de yon pèp lang etranje, ²Juda te vin sanktyè Li a, Israël, wayòm Li. ³Lanmè a te gade e te sove ale. Jourdain an te vire fè bak.

⁴Mòn yo te sote tankou belye, kolin yo tankou ti mouton. ⁵Sa k pase ou menm, O lanmè, ke ou te sove ale konsa? O Jourdain an, ke Ou te vire fè bak konsa? ⁶O mòn yo, ke ou sote tankou belye konsa? O kolin yo, tankou ti mouton konsa?

⁷Pran tranble, O latè, devan SENYÈ a, Devan Bondye a Jacob la, ⁸Ki te fè wòch la devni yon ma dlo, wòch silèks la yon sous k ap koule.