Salmos 95

Venid, adoremos y postrémonos

לכו נרננה ליהוה נריעה לצור ישענו: ²נקדמה פניו בתודה בזמרות נריע לו: ³כי אל גדול יהוה ומלך גדול על כל אלהים: ⁴אשר בידו מחקרי ארץ ותועפות הרים לו: ⁵אשר לו הים והוא עשהו ויבשת ידיו יצרו: ⁶באו נשתחוה ונכרעה נברכה לפני יהוה עשנו: ⁷כי הוא אלהינו ואנחנו עם מרעיתו וצאן ידו היום אם בקלו תשמעו: ⁸אל תקשו לבבכם כמריבה כיום מסה במדבר:

⁹אשר נסוני אבותיכם בחנוני גם ראו פעלי: ¹⁰ארבעים שנה אקוט בדור ואמר עם תעי לבב הם והם לא ידעו דרכי: ¹¹אשר נשבעתי באפי אם יבאון אל מנוחתי: