Salmos 51
Crea en mí un corazón limpio
א למנצח מזמור לדוד 2ב בבוא-אליו נתן הנביא-- כאשר-בא אל-בת-שבע 3ג חנני אלהים כחסדך כרב רחמיך מחה פשעי 4ד הרבה (הרב) כבסני מעוני ומחטאתי טהרני 5ה כי-פשעי אני אדע וחטאתי נגדי תמיד 6ו לך לבדך חטאתי והרע בעיניך עשיתי למען תצדק בדברך-- תזכה בשפטך 7ז הן-בעוון חוללתי ובחטא יחמתני אמי 8ח הן-אמת חפצת בטחות ובסתם חכמה תודיעני
9ט תחטאני באזוב ואטהר תכבסני ומשלג אלבין 10י תשמיעני ששון ושמחה תגלנה עצמות דכית 11יא הסתר פניך מחטאי וכל-עונתי מחה 12יב לב טהור ברא-לי אלהים ורוח נכון חדש בקרבי 13יג אל-תשליכני מלפניך ורוח קדשך אל-תקח ממני 14יד השיבה לי ששון ישעך ורוח נדיבה תסמכני 15טו אלמדה פשעים דרכיך וחטאים אליך ישובו 16טז הצילני מדמים אלהים-- אלהי תשועתי תרנן לשוני צדקתך
17יז אדני שפתי תפתח ופי יגיד תהלתך 18יח כי לא-תחפץ זבח ואתנה עולה לא תרצה 19יט זבחי אלהים רוח נשברה לב-נשבר ונדכה-- אלהים לא תבזה [ (Psalms 51:20) כ היטיבה ברצונך את-ציון תבנה חומות ירושלם ] [ (Psalms 51:21) כא אז תחפץ זבחי-צדק עולה וכליל אז יעלו על-מזבחך פרים ]