Salmos 148

Alábenle los cielos y la tierra

א  הללו-יה הללו את-יהוה מן-השמים    הללוהו במרומים ²ב  הללוהו כל-מלאכיו    הללוהו כל-צבאו ³ג  הללוהו שמש וירח    הללוהו כל-כוכבי אור ⁴ד  הללוהו שמי השמים    והמים אשר מעל השמים ⁵ה  יהללו את-שם יהוה    כי הוא צוה ונבראו ⁶ו  ויעמידם לעד לעולם    חק-נתן ולא יעבור ⁷ז  הללו את-יהוה מן-הארץ--    תנינים וכל-תהמות ⁸ח  אש וברד שלג וקיטור    רוח סערה עשה דברו

⁹ט  ההרים וכל-גבעות    עץ פרי וכל-ארזים ¹⁰י  החיה וכל-בהמה    רמש וצפור כנף ¹¹יא  מלכי-ארץ וכל-לאמים    שרים וכל-שפטי ארץ ¹²יב  בחורים וגם-בתולות    זקנים עם-נערים ¹³יג  יהללו את-שם יהוה--    כי-נשגב שמו לבדו הודו    על-ארץ ושמים ¹⁴יד  וירם קרן לעמו    תהלה לכל-חסידיו-- לבני ישראל    עם קרבו הללו-יה