Matthew 13:1-17

¹in illo die exiens Iesus de domo sedebat secus mare

²et congregatae sunt ad eum turbae multae ita ut in naviculam ascendens sederet et omnis turba stabat in litore

³et locutus est eis multa in parabolis dicens ecce exiit qui seminat seminarea

⁴et dum seminat quaedam ceciderunt secus viam et venerunt volucres et comederunt ea

⁵alia autem ceciderunt in petrosa ubi non habebat terram multam et continuo exorta sunt quia non habebant altitudinem terrae

⁶sole autem orto aestuaverunt et quia non habebant radicem aruerunt

⁷alia autem ceciderunt in spinas et creverunt spinae et suffocaverunt eab

⁸alia vero ceciderunt in terram bonam et dabant fructum aliud centesimum aliud sexagesimum aliud tricesimum

⁹qui habet aures audiendi audiat

¹⁰et accedentes discipuli dixerunt ei quare in parabolis loqueris eis

¹¹qui respondens ait illis quia vobis datum est nosse mysteria regni caelorum illis autem non est datumc

¹²qui enim habet dabitur ei et abundabit qui autem non habet et quod habet auferetur ab eod

¹³ideo in parabolis loquor eis quia videntes non vident et audientes non audiunt neque intellegunte

¹⁴et adimpletur eis prophetia Esaiae dicens auditu audietis et non intellegetis et videntes videbitis et non videbitisf

¹⁵incrassatum est enim cor populi huius et auribus graviter audierunt et oculos suos cluserunt nequando oculis videant et auribus audiant et corde intellegant et convertantur et sanem eosg

¹⁶vestri autem beati oculi quia vident et aures vestrae quia audiunth

¹⁷amen quippe dico vobis quia multi prophetae et iusti cupierunt videre quae videtis et non viderunt et audire quae auditis et non audierunt